• 競馬知舍

超之選20210512

今期沙田夜賽比平時唔同,今次並非係全泥夜宴,而係兩草六泥合共八場賽事,頭場開跑時間為七點三。值得留意嘅係,對上一次安排夜賽跑田草賽事都要數到去2014年嘅事。賽事水準方面,今次雖然整體水準都唔係太高,但係今次亦有一次數量嘅參賽馬初戰泥地賽事,當中有啲亦具泥地血統,又或者喺試閘時曾交出唔錯嘅走勢,如果佢哋能夠交出表現,相信亦可以從中獲利。就好似「齊心同行」咁,馬匹試泥閘時不但一放而回,而且造出嚟嘅時間亦都算快,從而可以推算馬匹或者係一匹潛在嘅泥地好手;又好似「美麗歡呼」亦都係喺泥閘一再交出走勢,而且亦有Northern Dancer 3S x 4D 雙重血緣,轉場都有機會成功變身。