• 競馬知舍

超之選20210120

今期谷草賽事都係跑九場,頭場開跑時間照舊係六點九。同上個星期一樣,都有一部分場次水準都弱,因此都有機會會好似上個賽日一樣不時出現啲令人意外嘅賽果。騎師方面,今期騎師榜頭三位都夫卜上陣,而蘇銘倫亦都將會騎七匹馬。佢哋同樣都手執唔少機會馬,今晚嘅谷中賽事又會唔會由呢四位大師傅壟斷呢?大家不妨拭目以待。


至於今期嘅重心馬方面,我就會揀到第三場五班谷草1000米嘅「大當家」。「大當家」喺大前季嚟香港插班時以80分起步,但馬匹一直冇乜表現,直至上季季尾跌到得返44分時先能夠上名。除咗歸咎於傷患影響同進度問題之外,當初馬匹來港時評分過高亦係一大原因令佢出啲接近廿場先能夠喺香港上名。


「大當家」雖然實力只係有限公司,但係如今馬匹落到五班作賽,反而會有虎入羊群之感。需要留意「大當家」以往喺四班作賽時都能夠喺同程上名,即使未能贏馬,但都可以一再交出接近嘅走勢。相比起一上到四班就行人止步嘅四、五班升降機,「大當家」至少證明到之前喺四班都並非完全捱打,級數上亦自然會稍勝一籌,加上今次換上蘇銘倫坐鎮,有望為馬匹取得零的突破。




64 次瀏覽0 則留言

最新文章

查看全部