• 競馬知舍

超之選20210113

又返到谷草賽事,今期谷草賽事都係跑九場,頭場開跑時間就係六點九。今期賽事水準就不如上個星期,並冇任何高班賽事,而且參賽馬水準亦都相當參差。值得一提,今次係陳嘉熙首次以方嘉柏徒弟身份上陣。今季陳嘉熙表現就未如理想,暫時只曾贏出一場賽事,成績比起同樣減7磅嘅周俊樂明顯差咗一大截。今次陳嘉熙有三匹出賽馬,當中「駿爵士」係來自方嘉柏,且看佢又可唔可以為新師傅贏馬。


講到今次賽日重心,我就會揀到第九場嘅「獎金大王」。「獎金大王」上仗出戰同班同程,當時馬匹排9檔起步,起步後潘頓都要用咗一段時間先能夠切入內欄,結果最後階段亦腳軟,只能跑入第五名。今次「獎金大王」換上陳嘉熙,相信其中一個考慮係「獎金大王」在港唯一一場頭馬就係由陳嘉熙策騎,另一個原因就係可以減七磅,變相今次只需要負113磅出賽,嘗試克服解決馬匹評分摸頂嘅問題。有別於上次,今次「獎金大王」不但抽到5檔起步,而且全場就只有佢一匹係領放馬,因此可以相信馬匹今次早段唔需要花太多氣力就可以貼欄並單騎領放,可預期形勢有利於「獎金大王」。陳嘉熙季內表現一般,且看佢能否大打爭氣波,憑呢匹馬一洗烏氣。




151 次瀏覽0 則留言