• 競馬知舍

超之選20210106

今期係2021年第一個谷草賽日,一共會跑九場賽事,頭場開跑時間亦會提早到6點9開跑,當中季內唯一一場谷草分級賽一月盃就會喺第四場進行。講到呢項三級賽,掛頭牌嘅「馬克羅斯」同全場最低分嘅「狂舞派」喺評分上足足差成37分,「狂舞派」到底係志在參與定會有驚嘉喜俾到大家,都係要跑過之知。另一方面,都值得留意一月盃嘅參賽馬入面其實並無一匹曾經喺季內勝出賽事,變相喺刨馬時除咗要睇馬匹級數之外,亦都好需要睇各匹馬嘅狀態同往績。

講到全日重心,我就會揀第六場嘅「開心威龍」。「開心威龍」喺外地時出戰過六場取得三冠兩季成績,當中喺來港前最後一場出戰一級賽阿堅斯錦標跑入季軍後就賣到香港。「開心威龍」喺今季季初先落地操練,雖然落地時間只有四個月,但係從佢嘅出跳同試閘,都可以睇到馬匹頗為適應水土。當中「開心威龍」喺上月中曾經過一課1200米谷閘,當時馬匹雖然喺全程被扣實下以中後位置過終點,但係馬匹喺過終點後嘅餘勢相當唔錯,即使鞍上人並冇著意推騎都能夠自動湧上,反映已屆作戰水準。過往有唔少喺阿堅斯錦標交出表現嘅馬匹都會被賣到香港服役,而佢哋來港後大多都能夠喺高班賽事交出表現,水準上頗為可靠。因此今次馬匹出戰合其腳法嘅1000米賽事,亦可以搏佢憑質在港一出即勝。



173 次瀏覽0 則留言

最新文章

查看全部