• 競馬知舍

超之選20201209

今期谷草賽事係國際騎師錦標賽,因此將會九場開跑,而頭場開跑時間就會係6點半,大家都記住要留意返。至於國際騎師錦標賽四場賽事分別會喺第四、五、七、八場舉行,上屆田泰安就抽到一手好簽,最終就有驚無險下成為冠軍,但今年佢嘅坐騎似乎都係邊線份子,要衛冕都有一定難度;至於其他騎師方面,莫雅一如既往地都係熱門之一,而本地代表莫雷拉都有一定機會,雖然其中兩匹霍利時嘅參賽馬機會都較次,但其餘兩匹參賽馬上賽都係由莫雷拉策騎而有一定競爭力,亦可望憑藉人馬合作之利去爭取表現。


至於重心馬方面,今次我就揀咗第六場嘅「戰熊三千」。「戰熊三千」上賽出戰同班同程,當日鞍上人出閘時眼見有好幾匹馬想放,而「戰熊三千」排中外檔嘅關係,只好一改前次贏馬時跑法而探取留前鬥後策略,結果馬匹喺步速較慢下後上不及,以兩個半馬位之差輸俾「上校」跑入第三名。縱使如此,當日「戰熊三千」喺形勢稍為不利下都可以交出追勢,表現已算合格有餘。事實上,翻查「戰熊三千」季內贏馬一役,同場亞軍「得益良多」喺翌仗已經成功補中,反映該仗賽事水準不錯。今次雖然「戰熊三千」抽到11檔起步,馬匹亦可以因排外檔關係嘗試採取贏馬跑法,立心搶放。過去兩季莫雅來港客串時都能夠為霍利時馬房贏馬,今次練者就將「戰熊三千」交由莫雅,以其策騎智慧絕對可以予人信心,可寄望人稱「天下第一高手」嘅莫雅再為霍利時馬房建功。



187 次瀏覽0 則留言