• 競馬知舍

超之選20201202

今期週中谷草夜賽將會跑八場賽事,跑埋今次,下次谷草賽事就係國際騎師錦標賽。講返今次賽事,今期雖然冇二班賽,但部分賽事都頗為均勢,尤其是第七場三班1800米,12匹參賽馬當中有4匹都係新勝馬,氣勢如虹,而谷草中長途不時都會出現變奏,往往都會令形勢風雲色變,臨場發揮將會成為勝負關鍵。


講到全日重心,我今次就揀咗兩隻,分別係第三場五班1000米嘅「哈蝦王旺」同埋第六場三班1000米嘅「時時好綵」。


「哈蝦王旺」本身不但曾勝同班同程,以往出戰四班同程時亦曾接近,本身就稍有班利。「哈蝦王旺」上仗降班出戰同程賽事,當日馬匹抽到11檔起步,因應形勢而被逼採取留前鬥後策略,最終後上不及以不足一馬位之差跑入第四名。今次「哈蝦王旺」再戰同程抽到6檔,幕後特意換上可減7磅嘅周俊樂,跑法不但可以更為主動,同時亦唔需要好似上次咁負重磅出賽。對手方面,今次「哈蝦王旺」再次面對上賽同場冠、亞軍「中華精神」同埋「多多利高」,亦有反先條件,皆因上賽「哈蝦王旺」比「中華精神」同埋「多多利高」分別多負十磅同九磅,而今次「哈蝦王旺」反而比「中華精神」同埋「多多利高」分別揹少兩磅同一磅。若然馬匹跑返應有水準,「哈蝦王旺」絕對有能力成功補中。


「時時好綵」喺澳洲時只曾出賽兩次,當中初出一役出戰表列賽一出即勝,同場亞、季軍再出亦分別能夠喺三級賽上名,本身上手練馬師余理萊亦有意安排馬匹出戰一級賽,反映「時時好綵」不但喺賽績上已經展現到佢嘅潛能,同時前景亦被看好。「時時好綵」來港後曾經試過兩課閘,兩次都可以交出良好走勢,當中上月中試谷閘時更加追近「人和家興」,同時都極為適合香港賽事環境。今次「時時好綵」抽到4檔起步,按照馬匹喺外地同試閘時,相信馬匹都會守居中位置,而今場似乎會有唔少馬都會搶放,步速或會不會太慢,形勢對「時時好綵」理應不會太過吃虧,加上馬匹本身亦有唔錯嘅加速力,可搏「時時好綵」黃雀在後,一出即勝。



132 次瀏覽0 則留言

最新文章

查看全部