• 競馬知舍

超之選20201129

休息一期之後,今次沙田日賽返嚟繼續俾心水大家。今次本地主題賽事係其士盃,將會喺第七場舉行。「二郎」上次出戰樂聲盃輕勝而回,但賽後幕後毅然放棄出啲HKIR而選擇出戰呢場一班1600米賽事並換上周俊樂,心意都非常明顯;值得留意嘅係,同場「達心星」連升兩班兼增程400米,都係一啲可能俾到驚喜大家嘅不明物體。此外,今期亦會轉播日本盃呢項一級賽,今次日本盃少有地出現三匹三冠馬同場對決嘅情況,今次亦係「杏目」嘅告別戰,儘管睇下佢可唔可以有終之美啦!


講到今次賽事,今次我就會推介兩匹希斯馬房嘅初出馬:


首先係第一場四班1000米嘅「輗多福」,「輗多福」呢匹PPG落地三個幾月,直至月初開始一連試過三課大閘。喺呢三課閘入面,「輗多福」三次都能夠展現到飛快前速,亦能夠喺前面返嚟,試閘表現相當理想,。血統上,父系「盡善盡美」在港不乏成功例子,母系為「大運財」半姊,相信「輗多福」屬質素唔錯嘅早熟短途份子。今次初出1000米賽事,可望趁對手實力一般憑質一出即勝。


另外亦推介尾場二班1400米嘅「包裝永勝」。「包裝永勝」喺外地時曾贏過兩項一級賽,實力早已不需懷疑。更難得嘅係,「包裝永勝」來港後似乎十分適應水土,試過三課大閘都交出一定走勢,步幅亦都相當吸引,甚具一級賽頭馬風範。今次幕後選擇以1400米作為「包裝永勝」在港初出一戰,路程上雖然並非馬匹最佳路程,但馬匹畢竟都有一段時間未曾出賽,相信馬匹會有一定新鮮感,以此程作小試牛刀亦屬合理部署。另一方面,「包裝永勝」今次亦一如外地出賽時都會戴上眼罩出賽,威力或會更佳。儘管馬匹水準未去到十足,但憑藉本身級數,都有機會可以一出即勝。





288 次瀏覽0 則留言