• 競馬知舍

超之選20201114

事隔兩星期,今期跑返田草日賽,亦都係每月一次嘅星期六賽事。同對上一次嘅週末賽事一樣,聽日都係轉播日本賽事,今次就係女皇伊利沙伯二世盃賽馬日,大家到時都可以留意下。今次本地主題賽事樂聲盃就將會喺第七場舉行,一共有九匹馬角逐呢場一班賽。雖然出賽馬少,但係陣容都算可觀,比如有新勝嘅「二郎」,亦有上位中嘅「幸運快車」同「聚才」,形勢都頗為均等,且看到底邊匹可以攻下呢場一班賽。


講到今期重心馬,我就揀到第三場嘅「挺秀精神」。「挺秀精神」呢匹馬本身血統優厚,半姊係雙料一級賽冠軍「宇宙探索」(Cosmic Endeavour),舅父更加係兩屆香港馬王「靚蝦王」,足以證明「挺秀精神」係良血馬。睇返馬匹操練方面,「挺秀精神」落地三個幾月已經試過三課大閘,表現一課比一課好,亦都睇到馬匹具唔錯嘅前速,屬早熟短途快馬。今次「挺秀精神」初出,對手水準都並非太高,只要跑出應有表現嘅話,相信憑佢嘅質素一出即勝應不成問題。




317 次瀏覽