• 競馬知舍

超之選20201111

同啱啱嘅星期日一樣,今期繼續係谷草賽事。睇返參賽馬方面,今期參賽馬水準都頗為參差,當中有唔止一場賽事都係明顯地海軍鬥水兵,相信都同呢兩期都係跑谷草賽事有啲關係。正因為今期賽事水準偏低,都要小心出現冷馬殺大家一個措手不及嘅情況。


講到今期重心馬方面,我就揀咗第七場嘅「馬友冠」。「馬友冠」喺開季前由霍利時馬房轉去蘇保羅馬房,操練一輪後喺上月尾被安排出戰田草1000米賽事,雖然路程對馬匹而言稍馮嫌短,但「馬友冠」都能交出追勢跑入接近嘅第五名,走勢相當唔錯。今次馬匹增程跑返曾經上名嘅谷草1200米賽事,相信腳法都更為合適。「馬友冠」雖然未曾喺香港贏馬,但佢喺上手時亦曾經喺二班同程上名,以佢嘅能力喺三班絕對夠用,加上今次主要對手都係同樣係在港未勝馬或者係未曾喺三班賽事交出表現,只要「馬友冠」跑返應有水準,相信可以為蘇保羅馬房省靚招牌。




130 次瀏覽