• 競馬知舍

超之選20201018

今期田草賽事就會上演兩項二級賽,分別係第三場嘅精英碗同第七場嘅沙田錦標。隨住有幾匹短途精英都受傷患影響或已經退役,今屆精英碗嘅出賽馬只得七隻,當中「錶之智能」同「最合拍」都係初戰二級賽,而呢兩匹後起之秀上次就分別喺國慶盃同特首盃高奏凱歌,今次挑戰二級賽,可以睇下佢哋有冇能力接班;另外第七場嘅沙田錦標,相信「金鎗六十」嘅表現都係眾人焦點,儘管可以睇下佢初戰二級賽又可唔可以輕鬆取勝。另外,今期亦會轉播秋華賞呢項日本雌馬三冠大賽尾關賽事,四戰四勝嘅「謀勇兼備」力爭成為首匹不敗日本雌馬三冠馬,佢嘅表現都值得令人期待!


重心馬方面,我就會揀第三場嘅「最合拍」。上次「最合拍」喺開鑼日出戰特首盃輕勝而回,都大致證明到馬匹已經具能力挑戰大賽,皆因今仗六匹對手入面,當中有三匹馬都係已經喺特首盃同場對決過,當中喺特首盃跑入第四嘅「錶之智能」喺翌仗已能攻下國慶盃呢項三級賽,正正反映「最合拍」嘅實力。另一方面,呢經對手入面,相信以「旺蝦王」級數最高,但係根據「旺蝦王」嘅試閘表現,馬匹似乎仍未有十足狀態,而且亦要負頂磅出賽,相比之下或有一定隱憂; 相反「最合拍」新勝而臨,而且只負輕磅出賽,喺狀態及磅數佔優嘅情況下,今次將會係馬匹首次攻下分級賽嘅大好機會。





261 次瀏覽