• 競馬知舍

超之選20200923

又返到谷草夜賽場合,今期出賽馬數目比起上一兩期總算多返少少,不過賽事水準仍然一般,亦有幾場賽事嘅參戰馬形勢機會都比較均等,因此刨馬時都要多考慮唔同因素先作決定。另外,今期亦係季內首次有高班谷草賽事,即尾場嘅二班1200米。當中「加州雷電」近五仗非冠即亞,今次挾新勝勇勢升班作賽,面對住更強嘅對手,又係咪可以順利連捷呢?


至於重心馬方面,我今次就揀咗第四場嘅「偉大勝利」。「偉大勝利」喺季前試閘時都曾經交出強勁嘅走勢,都反映到馬匹已具作戰水準。馬匹兩星期前出戰谷草1200米賽事,喺路程嫌短嘅情況之下都能夠交出追勢,追入一席接近嘅第六名,表現令人滿意。今次馬房安排「偉大勝利」增程出戰其唯一上名嘅谷草一哩,都幾肯定馬房幫馬匹達到熱身效果後,今次再立心出擊,以求騎練可以一齊打開季內勝利之門。




155 次瀏覽