• 競馬知舍

超之選20200916

今期係谷草第二回合,一共上演八場賽事,但當中有四場都係唔滿額,戲碼亦都只係一般般。睇返騎練,今晚一共有四位騎師騎足八場,包括莫雷拉、潘頓、巴度、何澤堯,而呢四位騎師都各自手握至少一、兩匹機會馬,揀馬時都不妨優先留意佢哋;至於練馬師方面,方嘉柏亦都繼續喺谷草賽事擺下強陣,上星期佢就僅僅只能夠喺尾場靠「喜佳龍」贏馬,今期佢就出足八場共九匹馬,又可唔可以不負黑夜之神之名,喺谷草賽事到盡情數糊呢?


至於今期點題馬,我就揀咗第七場嘅「信心滿滿」。「信心滿滿」上季四戰全數都跑第十名,表現實在令人不敢恭維,而佢今季就試過一課泥閘,當日何澤堯喺直路時曾經考驗過馬匹,雖然馬匹僅僅保持同速,但留意馬匹過終點之後嘅餘勢係相當之強勁,而且走規出腳亦無大差錯,反映到「信心滿滿」呢匹馬開始有進展。嚴格而言,呢組馬水準都唔算太高,縱使係識贏嘅馬,都只係一啲實力見盡嘅四班馬,並無一隻係壓一。而且呢場「開心好友」、「仙履奇遇」、「善傳千里」、「得益良多」都係可能採取主動跑法,步速上未必太慢,而按照「信心滿滿」跑法、檔位,相信都會採取留前鬥後策略,若然遇上一定步速而喺末段交出反應,但有機會走入一席冷腳。



132 次瀏覽