• 競馬知舍

超之選20200610

休息一天完又返嚟啦。今期谷草賽事都係跑九場,事實上今期都有好多場都有唔少後備馬,都睇到幕後都好想趁季尾最後倒數階段作最後衝刺之餘,亦或者因為下星期週中本地賽事輪空有關。講返今期賽事,練馬師方面暫時只有何良仍未贏夠16場頭馬上岸,今晚佢雖然出馬唔算特別多,但都有個別參賽馬具爭勝機會,不妨睇下佢今晚能否爭取寶貴嘅頭馬。


重心馬方面,今晚我就會揀第四場嘅「年年豐收」。「年年豐收」升班後兩仗表現都只係一般,跟住就上咗從化一輪操練,而佢最近喺從化試嗰課閘嘅姿勢走勢都相當唔錯,北上從化兼相隔個多月先出賽或會令佢有返足夠新鮮感。


另外,呢場賽事似乎並唔係有太多馬搶放,即使係此程專家「閃電精靈」近仗表現亦顯示落腳已經慢咗,縮程而放頭嘅「獎金大王」今次抽10檔起步,形勢上相對吃虧。「年年豐收」以往跑1200米都係採取領放跑法,而且同「獎金大王」同樣縮程200米嘅「年年豐收」就抽6檔起步,或更有條件去貼欄領放,早著先機。



198 次瀏覽