• 競馬知舍

超之選20200527

星期三夜賽,今次繼續都係留返喺沙田跑夜泥賽事,全晚跑九場賽事,頭場開跑時間就係6點9。去到季尾階段,好多參戰馬都係用得唔少,或者本身仍未交代,賽事水準都係會比較參差,有時甚至會出現唔叻嘅馬都可以取勝嘅局面。而呢段時間天氣都唔太穩家,冇人知到時天氣會點,因此都係臨場執生。


今次我嘅重心馬係第八場嘅「加州凱歌」。上次「加州凱歌」初出出戰谷草賽事,雖然能夠放出但實際上沿途被頂出二疊望空,最終都能夠捱入一席第三,表現都算唔錯。雖則唔少朋友都質疑告東尼已有一段時間未贏泥地,亦會質疑「加州凱歌」嘅機會,但今次「加州凱歌」轉戰泥地並非無的放矢。


首先,以「加州凱歌」血統背景而言,「加州凱歌」本身有Northern Dancer 4x5x4x4 inbreed,可以睇到馬匹血統具泥地背景,而且全姊Ancient Spirit曾喺南非勝出膠沙地賽事,都證明「加州凱歌」係潛左嘅泥地好手;再者,「加州凱歌」從試閘到上賽都展現到馬匹有一定前速,雖然今次面對「夢幻人生」同「軍力勁」未必會領放,但勝在馬匹今次抽到3檔起步,要縮後一格守3,4位都應該不成問題,若然到時場地有利前置馬,話唔埋可以幫告東泥破泥地頭馬荒。

P.S 人冇事先可以做世界冠軍。



422 次瀏覽