• 競馬知舍

超之選20200503

過咗冠軍賽馬日,季內嘅一級賽就得返遮打盃,喺呢遮打盃之前,就有皇太后紀念盃俾班長途馬做熱身賽。不過今季呢項三級賽就凋零咗啲,因為今次就只得5匹馬出賽。事實上,就算拉闊啲嚟睇,聽日11場賽事水準同戲碼都好一般,水準亦都比較參差,因係刨馬時都要小心有啲不明物體。


今次因為各場馬匹水準只算一般,而且有啲又係冇邊隻壓一,所以有啲場次嘅參賽馬相對偏冷咗啲啲,就好似尾場「美麗精神」咁。「美麗精神」上次出戰1200米跑入第四名,表現開始有復蘇嘅跡象,今次跑返一再交出表現之田草1400米,路程方面上會比上次更為可靠。此外,呢場都有唔少徘徊喺三班嘅馬,但「美麗精神」就曾經喺二班同程上過名,級數上始終都稍稍佔優,而且季尾階段參戰馬水準唔高,若果「美麗精神」食到級數隨時有權交代。



262 次瀏覽