• 競馬知舍

超之選20200426

最近賽事水準都一般般,不過今個賽日都有啲唔同,因為今期係冠軍賽馬日,將會上演三項國際一級賽。雖則因為武漢肺炎嘅關係,今屆冠軍賽馬日就唔會有外隊馬參戰,而「金鎗六十」亦選擇避戰,三場大賽參戰陣容都難免比往年失色。不過咁,今次有啲參賽馬都有啲話題,比如「紅衣醒神」、「美麗傳承」有機會跑埋今季就會退役,今次或有可能係佢哋嘅告別戰,如果贏埋亦可能係有終之美;「忠心勇士」繼續以三歲馬身份挑戰G1,亦係大摩最後一次以香港練馬師身份參與冠軍賽馬日;「時時精綵」今季仍未能取下一場G1,今次亦要一雪前恥。點都好,大家都係朝著一個目標:勝利。因此,大家都係拭目以待聽日三場大賽鹿死誰手!


除咗聽日三場大賽之外,都講下其他場次嘅心水:

R3 荷花福星

「荷花福星」上次大漏閘失地甚多,不過末段都追返唔少,最終都係只負頭馬一個半馬位,甚麼雖未如理想,但絕對可接受。上賽賽後馬匹再試咗兩課閘,雖然出閘唔算快,但不致於會出現大漏閘嘅情況。今次「荷花福星」最大對手係「寶成智勝」,不過「寶成智勝」抽12檔起步之餘又要揹頂磅,即使「寶成智勝」具質素但都初次面對外檔重磅,形勢上或不如抽5檔嘅「荷花福星」。而且「荷花福星」曾跟「平海掌星」串Q,只要跑返當日水準,「荷花福星」有機會喺呢組脫穎而出。


546 次瀏覽