• 競馬知舍

超之選20200329

冇咗歐洲賽事,冇咗美國賽事,又冇得睇杜拜賽事,連澳洲都有被逼全面休戰嘅危機,一個武漢肺炎可以話累曬全世界。雖則香港賽事仍未停止,但依家都要閉門作賽,只能講好好珍惜仲有馬跑的日子。今期沙田日賽雖然平淡,不過好在都會轉播高松宮紀念。今年高松宮紀念特別在有三匹一級賽冠軍都係跑開一哩,但今次就初試1200米賽事,當中「放聲歡呼」就最被看好。另外,「倫敦塔」同「野田重擊」繼海洋錦標後再次同場,前者熱身一場後,因李慕華仍要隔離,因此今次由福永祐一為馬匹力爭第二項一級賽;而「野田重擊」雖然被稱為日本現時其中一匹最優秀嘅短途馬,但係佢一跑一級賽往往都令人失望而回,今次佢又可唔可以打破近季海洋錦標冠軍再戰高松宮紀念例不上名嘅宿命,證明自己並非名大於實呢?



486 次瀏覽