• 競馬知舍

超之選 20210425

又去到一年一度嘅冠軍賽馬日,今年三場一級賽受疫情關係影響,只有日本方面馬匹參戰主席短途獎同女皇盃,但比起上季全港隊陣容,今季至少都見到一啲外地佳駟,都已經算係好好。先講主席短途獎,「野田重擊」贏完高松宮紀念後再次來港,論級數上佢喺呢組入面已經算係最高,作為呢場賽事唯一一匹外隊馬,如果跑返喺香港短途錦標時嘅水準,可望攻下第三項一級賽,但當然港隊都有「福逸」、「當家猴王」呢啲後起之秀,且看後者又可唔可以取得突破,為港隊一吐烏氣;冠軍一哩賽方面,今次「金鎗六十」就力爭十四連勝,相信以其能力今次嘅難度不大;至於女皇盃方面,日本首匹不敗雌馬三冠「謀勇兼備」同上仗喺杜拜表現出色嘅「唯獨愛你」強攻香港,而港隊嘅「時時精綵」又可唔可以及時捍衛港隊聲譽,亦都係馬迷想知道嘅事。今次頭場開跑時間係十二點四十五分,大家記得留意。




83 次瀏覽0 則留言