• 競馬知舍

超之選 20210221

今期除咗會上演四歲系列第二關香港經典盃之外,亦會上演兩項一級賽女皇銀禧紀念盃同埋香港金盃。先講香港經典盃,上次「勁搏」換上薛恩後照樣輕勝經典一哩賽,今次原班人馬再上征途,1800米當然合適腳法,不過同時「飛輪閃耀」、「包裝永勝」等馬匹喺外地時都有相關經驗而交出表面,都可以睇下佢哋增程又會唔會可以交出更佳表現;至於女皇銀禧紀念盃,喺「美麗傳承」退役後,今次出賽馬匹陣容就比較均勢,畢竟大家都曾互有勝負,但講到級數最高就必然係「川河尊駒」同「夏威夷」,不過今次「嘉應之星」亦交由潘頓策騎,亦有望取得突破;而香港金盃相信都係「金鎗六十」同「時時精綵」之爭,前者繼打吡之後再一次挑戰2000米賽事,路程不成問題但馬少場合,步速或會係一個考驗,而後者作為上屆馬王,但今季仍未贏馬,今次第一次對住「金鎗六十」,能否及時回勇亦係值得令人關注。當然,呢三場大賽花落誰家,都係要跑過先知。




87 次瀏覽0 則留言

最新文章

查看全部