• 競馬知舍

超之選 20210124

去到大賽日,今日將會上演三場大賽,分別會喺第五、七、八場上演。先講第五場嘅百週年紀念短途盃,今年嘅短途馬自「爭分奪秒」、「紅衣醒神」退役後,一時間未能夠搵到一匹可以接到班嘅馬,甚至乎今場並無一匹馬曾經贏過一級賽,形勢變得平均,並冇一隻會壓一,可以睇下葉楚航可唔可以靠今季表現相對穩定嘅「有理共想」首勝國際一級賽; 第七場嘅董事盃,「金鎗六十」喺上場嘅香港一哩錦標終於首勝一級賽,面對返之前嘅手下敗將,相信再下一城都唔係咩問題; 至於第八場嘅香港經典一哩賽,今年呢場賽事嘅參賽馬整體進度都算唔錯,全場有過半數都曾經贏馬,當中「達心星」上仗初戰分級賽都能夠跑入亞軍,亦都贏過1600米賽事,進度同能力上都證明稍多,就係睇下莫雷拉有冇揀錯馬。另外,今日都會有「美麗傳承」歡送儀式,在此都希望呢匹一哩馬王可以退休愉快。



82 次瀏覽0 則留言