• 競馬知舍

超之選 20210101

踏入2021年,先祝各位馬迷有個好開始,買乜中乜,心想事成!今期元旦賽日一共跑11場賽事,想中第三場同第八場就分別舉行洋紫荊短途錦標同埋華商會挑戰盃呢兩項三級賽,前者出賽馬極少,一共只有五匹參賽馬,當中四匹都係嘅過香港短途錦標;後者就一共有八匹馬列陣,當中一對四歲新星「夢想成金」同埋「達心星」都係初次挑戰分級賽,而前者更加係首次挑戰1400米,今次都係一個指標可以睇下佢到底係咪可以按原定計劃出戰香港經典一哩賽。另外,「高大威猛」今次亦都會跑返佢最擅長嘅1400米,相信都係呢兩匹四歲精英嘅最大對手。


重心馬方面,今次我都係會揀返第八場嘅「高大威猛」。「高大威猛」喺十月尾時喺1400米賽事取得五連勝後,幕後就著意安排馬匹挑戰大賽,因而前兩仗「高大威猛」都係出戰佢以往未曾跑過嘅一哩賽事,而且又要面對一眾已經喺一哩賽事證明過級數嘅對手,表現稍為失色亦都不足為奇。今次「高大威猛」縮程並出戰返佢最為擅長嘅1400米賽事,而且亦唔洗對住「金鎗六十」、「川河尊駒」呢啲一級賽份子,同時鞍上人都換返老拍檔潘頓,條件上都比較佔優。當然今次「高大威猛」都要面對「夢想成金」、「達心星」呢兩匹後起之秀,但係「夢想成金」初戰1400米,而且今次所面對嘅對手級數比以往更高,成為大熱門會稍嫌超賣;「達心星」上仗跳班增程1600米即能勝出,亦同「高大威猛」贏到「幸運快車」,級數、能力當然毋容置疑,變相爭勝機會亦同「高大威猛」不相伯仲。


再比較多一層的話,「高大威猛」雖然喺上兩仗都落第而回,但係前次馬匹出戰一哩都只係以三又四分三個馬位之差不敵「金鎗六十」,而且喺香港一哩錦標時亦都係同「澳國勳章」接近,以級數而言或多或少「高大威猛」嘅證明都比「達心星」稍多,而且1400米一直都係「高大威猛」首本路程,而「達心星」以往就只曾一次出戰1400米賽事,誠然後者前途無可限量,但如果論值搏率的話,「高大威猛」會比「達心星」稍勝一籌。



251 次瀏覽0 則留言

最新文章

查看全部