• 競馬知舍

超之選 20201028

十月最後一個賽日,參賽馬數目都開始多返,甚至乎賽事編排都需要拆組拆到有九場賽事,因此今次谷草夜賽頭場亦都會提早喺18:45開跑,馬迷朋友都要留意一下。今次主題賽事就係浪琴表錦標,換句話講由今晚直到IJC期間,喺跑馬地馬場終點標誌旁都會擺個坐地計時器,大家都可以留意下!


講到今期賽事嘅全日重心,我就會揀第九場二班1800米嘅「安采」。「安采」今季轉去韋達馬房後兩戰無功,但睇返該兩仗都係以賽寓操性質為多,而且馬匹之前亦久疏戰陣,需要一兩場賽事熱身亦屬正常。事實上,「安采」喺操練上亦慢慢地愈做愈好,毛色亦都愈見光澤,狀態亦比起之前有進。今次「安采」跑返腳法更為合適嘅1800米,適逢抽到2檔起步,不但可以貼欄,而且走位相信可以更為主動。「安采」喺外地本身曾贏此程,而且本身級數亦高,只要跑返喺外地時贏馬水準,都會係一匹可冷敲嘅半冷。





170 次瀏覽