• 競馬知舍

超之選 20200119

今次返到沙田日賽,今期就有兩項一級賽上演,分別為三冠大賽頭關董事盃同香港速度系列頭關百週年紀念短途盃。巧合地,兩場大賽出賽馬都只得7隻,可以話觀賞性比投注價值高出好多。


董事盃大家都認定「夏威夷」可以首奪G1,包括本人,都會認為現時最有可能喺一哩賽事接班都係佢,因而會認定佢可以贏出呢場大賽;又有啲人又會覺得「美麗傳承」可以及時歸位,但馬匹係咪真係可以扳回一城,又真係跑話先知。


至於百週年紀念短途盃,一如以往地都係有好幾隻蔡約翰馬房嘅馬列陣,係就係唔知佢可唔可以輕鬆三重彩,甚至係四隻包辦頭四名,因為「紅衣醒神」喺HKIR都有回勇跡象,而呢匹本身都有相當級數,所以都不容忽視。




597 次瀏覽