• 競馬知舍

超之選 20200101

踏入2020年第一日,今期係好運1月1賽事,亦希望大家新一年齊上齊落,一個都不能少。同往年一樣,今次亦繼續跑沙田賽事,亦會上演三級賽華商會挑戰盃。今次呢場G3分別有一對四歲馬「勝得精彩」同「金鎗六十」列陣,而呢兩匹如無意外都會喺月尾嘅經典一哩賽再時同場對陣。前者上季已經贏過分級賽,但今季兩仗表現失色;後者今季保持高水準表現,不過今次就初戰分級賽。到底呢場G3又係咪真係呢對四歲馬一Q馬咁簡單呢,不妨拭目以待。


至於呢跑場1400米嘅G3賽事,我反而睇好另一匹馬:


R7 信心保證

「信心保證」俾人嘅印象都可能只係一匹一班馬,因為佢兩戰分級賽都未能交出表現,表面證供都好似證明緊馬匹冇足夠能力應付分級賽。不過留意返馬匹往績,呢兩場分級賽分別係1200米同1600米賽事。「信心保證」在港取得2w4q,當中1w4q都係田草1400米賽事,咁正正反映咗馬匹最為擅長1400米賽事。


事實上,當「信心保證」跑1400米時,表現都令人眼前一亮,就好似上季曾經試過喺負磅相若之下同「夏威夷」鬥到叮噹碼頭,又試過重磅下同「勝得精彩」、「安騏」串Q;相反如果一唔跑1400米,馬匹就反而未能交出表現,以上都證明馬匹1400米表現特佳。今次「信心保證」只負120磅,負磅輕返好多的話更可期望表現更進一步,而且今次應有「安騏」同「嘉應之星」一齊放,變相「信心保證」更容易拎到前置cover位,有利佢後發先至。



118 次瀏覽