• 競馬知舍

超之選 20191226

返到谷草賽日,今次特少少跑星期四,喺Boxing Day舉行賽事。今次又係返9場賽事,頭場6點9開跑。賽事方面,今次不下一次場次形勢均等,如果要投注都要落下功夫。值得留意嘅係今晚第八場有三匹為四歲系列為目標嘅馬都會同場上陣——「星運明爵」上賽差少少打開在港勝利之門;「超級綠洲」初戰谷草,而「孖寶兄弟」就初次在港上陣,都係時候留意下邊匹會係四歲系列嘅要角啦!


今次我就會推介呢兩匹馬:


R2 馬主星輝

「馬主星輝」本身落腳慢,下線本身都有家族成員係較擅於中長距離賽事,因而「馬主星輝」本身應為中長距離馬,亦解釋為何可以季初時喺谷草1800米贏到馬,而近兩次係角逐泥地一哩賽事就未能交出贏馬時嘅水準。再睇返對上兩次喺角逐泥地一哩時嘅表現,「馬主星輝」雖未能上及,但其實佢喺形勢吃虧同路程嫌短嘅情況下都可以追回不少失地,表現實際上係可以接受。今次馬匹增程上2200米作賽,雖則佢係馬房次選,但係佢比「文武傳奇」用得更少,而且賽前狀態而言,「馬主星輝」係比「文武傳奇」更好。「馬主星輝」面對更合腳法嘅路程,同埋抽到2檔,可望馬匹可以守好位,更返贏馬時嘅水準。


R9 天地人

「天地人」上次起步最快,但俾兩步又唔夠對手快,當日莫雷拉為免「天地人」被頂出外疊,亦只好守返中間有遮擋位置,但反而令馬匹留得辛苦,表現令人失望。今次「天地人」再出同班同程就抽到5檔,相信馬匹唔會好似上次咁怕三疊望空而被逼捉到守中間位置跑。就算到時「知道必勝」同「一拍即合」都立心搶前,「天地人」至少都可以守到2,3位貼欄位置,都可以後發先至,始終馬匹以往都試過跟前守好位贏,所以以今次形勢而言,「天地人」係有權補中。



88 次瀏覽