• 競馬知舍

超之選 20191211

國際賽後第一個賽日,今期谷草賽事戲碼回歸平淡,亦都係有九場賽事,所以頭場開跑時間都係18:45。


以今期出賽馬陣容而言,霍利時都係強陣出擊,當中第六場「超趣」前次初戰谷草一哩即能爆大冷走入亞軍,再出受阻下仍可以走入一席接近嘅第五名,今次抽到1檔,又換上同霍老時合作無間嘅郭能,相信今次都有相當機會補中;尾場嘅「凱旋來」之前喺二班作賽都可以一再接近,以一匹南非自購馬而言都算適應得幾快,如今降到三班作賽再換上潘頓,抽到好檔亦有機會爭勝。


除此霍利時要留意之外,以下係我今晚點題嘅馬:

今次我會試一匹冷門馬,就係第五場嘅「龍鳳情祥」。今季「龍鳳情祥」明顯比較慢熱,季初嘅試閘表現未如理想之餘,陣上表現都明顯不如上季。直至佢喺上個泥閘終於交出返追勢,狀態亦似乎慢慢重回正軌。今次「龍鳳情祥」抽到2檔起步,而對手亦都唔係太強,只要交出返佢上季贏到「太陽威威」同「超新星」嘅水準,佢喺呢組係有權爆冷。



422 次瀏覽