• 競馬知舍

超之選 20191204

一排冇見大家,但香港人仍然未贏,所以大家要喺呢場長期戰入面繼續努力。

今晚谷草賽事,留意返今晚都係跑九場,而頭場開跑時間係6點半,所以大家記住早少少入場啦!最重要嘅係,今晚亦都有IJC,因此大家都可以見到各大世界級騎師高手過招!睇牌面,個個都覺得田泰安機會最大,咁佢今晚又可唔可以威返次,贏完IJC去啤酒園同馬迷相擁呢?


當然,「水箭龜」、「噴火龍」我都會買,因為前者上場以一個幾輕鬆嘅姿態贏出賽事,今次又用上莫雅再抽好檔;後者就上次初戰谷草僅負「轉數高」,而今次再出同種強手已去,亦抽到莫艾誠執疆,可望補中。

今次點題嘅馬,我就揀咗尾場嘅「南莊之歌」。「南莊之歌」上次只係第二次在港出賽兼初戰谷草,就已經可以走入接近嘅第五名,反映馬匹都幾適應香港。今次馬匹抽到5檔,可望好似上次咁沿途跟前守好位,而且鞍上人亦換上莫雅,相信可以有更好演出,此外,雖則上賽頭馬「舞士精神」今次都同樣列陣,不過今次「舞士精神」又抽外檔之餘,負磅亦比「南莊之歌」只負輕1磅。上次「南莊之歌」都係只負半個馬位,今次假若食正形勢,絕對係有條件反先。




185 次瀏覽