• 競馬知舍

【馬場遊蹤】日本關西阪神競馬場

這是一個新專題,旨在寫一些前往日本馬場的方法。而這些方法都是小弟用過既或曾經計劃過。由於只係一個窮遊日本既人用既方法,所以貴極都有個譜。日本中央競馬會馬場一共有十個,小弟有幸曾到訪當中五個。每個馬場各有其特色,如果你對日本賽馬感興趣的話,絕對鼓勵你到訪一下這些馬場。



今次先介紹關西的阪神競馬場。這是我第一個到訪的日本馬場,當時是去觀賞寶塚紀念賽。而當年是「黃金船」(Gold Ship,ゴールドシップ)爭取衛冕,我是支持「凱旋芭蕾」(Win Variation,ウインバリアシオン),結果當然係空手而回!



Photo Cr: JRA


回歸正傳,我是從大阪去的。要由大阪去阪神競馬場,有三個車站是必需知道,第一個係阪急梅田站;第二個係西宮北口站;第三個係仁川站。當時我住在大阪心齋橋的青年旅舍。我在大阪地鐵心齋橋站搭乘御堂筋線搭到梅田站。然後步行約八分鐘到阪急梅田站。如果你係大阪其他地方住既話,只要搵到前往阪急梅田站的方法即可。



阪急梅田站前往西宮北口;Photo Cr: LikeJapan

去到阪急梅田站可以先看看有冇前住新開地的阪急神戶線特急或急行列車,因為這些列車會快一些。搭至西宮北口落車轉阪急今津線開往寶塚既各停列車。三個站後就會到仁川,落車後會有充足指示牌步行約10分鐘往馬場,隧道有好多同賽馬有關既相,不妨可以預留時間影下相。



西宮北口轉車站;Photo cr: okiraku-goraku.com

仁川出口往阪神競馬場;Photo Cr: Wiki


基本上所有JRA馬場的公眾席都是200日圓入場費。如果你想坐得舒服一些或確保一定有位坐,可以選擇購買指定席,即可以係四樓或以上樓層觀戰。而當中S Lounge、UMACA Seat及 A Seat需要網上預約,而預約需要以日本地址登記會員身份。因此,如希望要購入指定席,就需要即場購買。就算購買指定席,在阪神的話,你都需要先購買公眾席入場券進入馬場才到指定席發售處購票。即場可以購買B Seat 及 C Seat。而兩者既分別除左前者會較近終點外,設備上亦有所不同。B Seat會有一個小電視比你可以安坐於座位中就可以睇曬同日其他馬場既賽事。而C Seat就沒有電視機。B Seat 需要 2000日圓,C Seat 則需要1500日圓。購買後工作人員會在你其中一隻手背吸上水印識別你為可以出入指定席區域之人士。每個座位下面都有個兩腳插蘇位,換上轉插加一個拖板就可以用電腦同叉電喇!



B Seat; Photo Cr: JRA


日本賽事於早上十時左右就會展開至下午三時半左右。所以午餐一定會在馬場解決。有些日本人選擇於場內野餐。當然馬場入面會有餐廳,但指定席係唔包食飯,所以你可以選擇係Food Court 或場內一些餐廳,視乎你既Budget。講真的,這些餐廳唔會好好食,但至少唔會係劣食黎,所以都冇乜伏既。如果玩到差唔到,又有D斬獲,不妨去下附近既小食店獎勵自己。記得有一次去會有吉列豬扒三文治,非常好吃。但近幾次去已經未有提供。所以,你地再去見到就一定要試下喇。當然,最重要係紀念品鋪——Turfy Shop,記得去買番幾隻自己鍾意既馬公仔番香港喇!另外,馬場入面有很多不同既地區,如讓小朋友的滑梯及草地等,不妨自己發掘下,會發現很多與香港甚至其他地方馬場不同之處。下一次再同大家介紹其他馬場!


Homan

477 次瀏覽