• 競馬知舍

【穩sir筆記】遨遊戰士超班新馬

3月24日第2場四班1000,超班新馬「遨遊戰士」潛力驚人!



Photo Cr: 蘋果日報

新馬而言,擁有高速、識得用腳同用力,基本上喺四班冇對手。好似最近隻新馬「萬事叻」,就連3班都識贏,今場亦冇理由唔揀「遨遊戰士」。「遨遊戰士」最近試閘同單跳,動作愈嚟愈柔,明顯識得用力。睇返第1、2課閘,佢只靠蠻力都發揮出驚人速度。而喺最近試閘,就跑出0:57:10,比同日試閘嘅「牛角仔」同「春花秋月」快1秒左右;前者已經喺四班1200超班贏出,後者三班1200都可以一出即勝。


雖然最近唔少新馬一交到潘頓或者莫雷拉手中,或者喺試閘展示出質素,就即刻被捧成大熱,最後連影都冇。不過「遨遊戰士」落地試咗三課閘都充分展示出天賦,算係新馬之中嘅皇者,絕對大把喺手。


主要對手

「正本開心」:上仗先用完力取勝;今場負133磅,又被動,可能會冇,而且潘頓加羅富全組合一定好熱


「陽光大地」:被動,贏咗兩場加唔少分。之前都係贏啲貫注力差嘅馬;如果今場一跑錯,追慢幾步就可以俾人走甩


其他:實力都唔算好。雖然「旅遊王者」「奇妙星」都未入局,但係算係有啲班底,隨時跑得好,值拖


穩sir