【穩sir筆記】愛飛一號四班難留

第四場四班1200米泥地賽，「愛飛一號」四班難留！

Photo Credit: HKJC

以「愛飛一號」嘅狀態，四班根本留唔住。徐雨石喺4月16日試閘，故意將「愛飛一號」跟喺佢另一隻快馬「皇仁先鋒」之後。雖然前者被完全捉到實，但係跟喺後者呢隻三班谷馬快馬後都非常輕鬆；可見狀態更進一步。另外，「愛飛一號」跟馬嘅姿態比之前更好，餘勢強勁；最近晨操踱步都見蝦公頸，相當弗！

「愛飛一號」喺上場揸10檔，差唔多全程被頂出3疊，但係末段追勢凌厲，拋離2個馬位有多取勝。今場揸1檔，唔洗食泥，應該更好跑。

同場對手

「精英寶貝」、「星叻」：跑法單一，好多次都話佢哋如果埋唔到一疊就唔得。後者上場都係靠一疊順放先贏啲較弱嘅對手，腳法仲有待改善。

「怪獸都市」：唔太突出，但勝在有級數，可拖。

「頌友」：最多拖腳。九歲老馬，明顯老退，就算減10檔，揸二檔都一般

「勁得手」：上場贏得冇說服力；前置馬自己燒死，後追馬又唔強

投注策略

可試「愛飛一號」WP

穩sir 22/4/2019