【穩sir筆記】天皇巨星一衝而過

5月1日第2場五班1200谷草，「天皇巨星」有望一衝而過！

Photo Credit: HKJC

「天皇巨星」早喺17年已經引起本人注目。喺17年4月23日賽事，佢喺終點前先俾「金地飛客」趕過，表現唔差；後者現已升上三班。喺17年年尾，佢亦喺谷草1200奪得1冠1亞佳績。

雖然「天皇巨星」喺18年嘅表現比較平穩，更甚有回落；但係最近轉到「蘇保羅」馬房，似乎有所改變。轉倉後嘅兩場田草，佢都因為外檔而刻意縮後，豈料最後800米時間驚人。

今場揸1檔，「天皇巨星」有可能同本人之前介紹嘅「新威龍」一樣，出閘擺到前面，跟前守好位，就可以一衝而過。

同場對手

全勝姿態：1月27日骨裂，健康成疑

五陵霸：右前腿懸韌帶內則分支受傷，休養幾耐，狀態成疑

麯院風荷：有級數，但估計要靠形勢、檔位幫助先可以贏，今場夏禮賢揸9檔略差

大地和平、雷超：四班尾水平，要贏就要靠形勢

其他馬：唔算好

投注策略

「天皇巨星」WP

穩sir