• 競馬知舍

【皇家雅士谷賽期】 Day 3 Allin弦樂器 全民有責

嚟到雅士谷賽期嘅第3日賽事,重頭戲係一級賽雅士谷金盃。雖然得8匹馬上陣,但預料比賽會相當精彩。首先係擺下擂台陣嘅「弦樂器」(Stradivarius),上年幾乎喺大長途賽事中全勝,可惜喺冠軍長途盃中輸比「植物園」(Kew Gardens)功虧一簣。最大對手「植物園」唔跑今場,「弦樂器」要面對嘅對手都幾弱。上場「弦樂器」出戰加冕盃只得一席無威脅嘅季軍,但已收熱身之效,面對實力弱一截嘅對手今次三奪金盃機會極大。


次選就會喺4歲馬入面揀,最後都係揀「豐裕路」(Nayef Road)。呢匹上年聖烈治季軍上場贏出金盃之前嘅熱身賽薩嘉羅錦標,表現相當出色;而且面對今場2匹同齡嘅「月光酒」(Moonlight Spirit)及「巧工妙藝」(Technician)都係輸過一次咁大把,以同齡計級數