• 競馬知舍

【狼大師論馬】放眼量執黃金一檔 能夠應對任何天氣

場四班1650


今場識得跑谷草1650嘅馬唔少,包括「活力勇士」「放眼量」「泰益善」「愛凡達」「新界之星」「捉金皇」「塑料喜」「快閃的」,都係呢個路程嬴過馬


我覺得「活力勇士」評分略高;「泰益善」傷後休息咗唔少時間,而且評分都算叫高位;「愛凡達」賺盡形勢嬴完,之後都無咩表現;「新界之星」轉倉,應該用盡咗;「捉金皇」呢個評分要執好檔先有機會嬴,可以拖一注;「塑料喜」超輕磅慢步速先會特佳;「快閃的」好似壞咗。


相較之下「放眼量」似乎更好。睇返賽績,佢有兩場大爛地、軟地經驗,而且喺呢個路程表現最好,同時最佳時間最快。預計加咗眼罩,佢應該都會守 box-seat 位。有少少步速就啱佢跑;如果無步速,應該都唔會有馬變到奏,因為呢場無呢類馬。總之鬥爆一段,佢會好着數,相信無馬係佢對手


今場潘頓策騎,就算馬負133磅都唔成問題;呢場佢必需嬴,係最佳時機!