• 競馬知舍

【柏德烈賽馬手記】方仔揚帆助薛恩開齋

今個馬季已經完成了五個賽馬日,練馬師只有四位仍未開齋,不過相信他們的出頭之期應該不遠。騎師方面,除咗五位本地騎師外,馬會公司騎師只有澳洲好手薛恩未開齋,聽晚此子騎四匹,當中兩匹與現時前列、谷草最佳的「黑夜之神」練馬師方嘉柏合作,小弟認為角逐第七場三班1200米的「帆哥兒」有較高爭勝條件。


此匹6歲出自歐洲不敗馬王「范高爾」的英國自購馬,上季終於在薛恩胯下在沙田泥地1200米打開在港勝門,不過此駒亦有在谷草1200米上陣,獲2席亞軍,算是有路程根據。今仗重用薛恩,有望為騎者取得今季首勝!


「無限商機」今季第一仗跑谷草1200米就能跑入一席第三,只是際遇問題而已,今仗續用巴度,有望提升名次。


「加州得迅」上季初出道6仗集中跑谷草1200米全入前五名,演出甚準,今仗用上近期手風甚順的莫雷拉,機會分子。


「美麗躍動」上季都係集中跑谷草1200米,獲1冠1亞5季,上名率過半,今仗續用見習生陳嘉熙,可爭冷腳。


獨贏及位置精選

第七場 3號 帆哥兒


連贏及位置Q精選

第七場 3號 帆哥兒

1號 加州得迅

4號 美麗躍動

10號 無限商機


by 柏德烈


(Photo: HKJC)