【Thank You Your Majesty】英女王伊利沙伯二世離世 享年96歲

Homan

9 September 2022, 2:44:10 am

英女王伊利沙伯二世(Queen Elizabeth II)琴日喺蘇格蘭巴爾莫勒爾堡逝世,享年96歲。

英女王伊利沙伯二世自小就喜愛馬匹,三歲時第一次騎上馬背,已經深深愛上這項運動。及後當佢於1952年繼承其父英王佐治六世嘅皇位時,同時繼承其父嘅育馬事業。而這件紫紅色的皇家綵衣亦喺呢個時候開始成為馬壇印記。

英女王伊利沙伯二世曾經喺1954及1957年取得英國平地馬季嘅馬主冠軍。除左葉森打吡以外,旗下賽駒已經為佢贏得其他嘅英國經典大賽。即位初期名駒如英皇錦標冠軍Aureole(1954)、薩塞克斯錦標冠軍Landau(1954)、葉森橡樹大賽冠軍Carrozza(現稱英國橡樹冠軍,1957)及英國二千堅尼冠軍Pall Mall(1958)等。當中Pall Mall更於1958及1959年取得樂景傑錦標。

到了七十年代,英女王伊利沙伯二世名下嘅Highclere,是一匹後世賽馬影響深遠嘅雌馬。Highclere服役期間取得英國一千堅尼冠軍,以八戰三冠三亞退役,轉任配種母馬。十一匹子嗣有Milford及Height of Fashion勝出威爾斯親王錦標。而Highclere兩匹雌馬子嗣Burghclere及Height of Fashion退役後亦轉為配種母馬。

Burghclere其中一匹子嗣為雌馬Wind In Her Hair,這匹雌馬再誕下日本馬王「大震撼」(Deep Impact),這匹三冠馬王於日本掀起旋風,於當地賽馬極具影響力。而Height of Fashion嘅子嗣則是橫掃1989年馬壇嘅Nashwan及多項一級賽盟主「禮義才俊」(Nayef)嘅媽媽。而另一匹於七十年代表現出色嘅賽駒就係Dunfermline,該駒於1977年葉森橡樹大賽及聖烈治錦標取得頭馬,為英女王贏得除打吡以外,所有英國經典大賽。

到左近代,英女王曾於2011年曾有「嘉登行宮」挑戰葉森打吡(現稱英國打吡大賽),搵到當時得令嘅莫雅助拳,賽前更是大熱門。可惜終點前不敵「人人為我」(Pour Moi),與打吡大賽擦身而過。「嘉登行宮」亦曾於2012年來港出戰香港盃,跑入第六名。

另外兩匹於近代較為有名嘅,分別喺2013年一級賽雅士谷金盃取得冠軍嘅Estimate及2016年二級賽夏域錦標冠軍「行政小區」(Dartmouth)。由於兩駒都喺皇家雅士谷賽期贏馬,場面別具意義。而當時鏡頭捕捉到2013年Estimate贏馬一刻,英女王係相當開心。(影片:https://twitter.com/zoelouisesmithx/status/1567907389428617217?s=20&t=PZcnOhEzy4Mw69IjGBoSFQ

英女王除左係英國嘅大馬主,佢對世界馬壇亦極具影響力,有唔少賽馬地區都會以佢命名賽事。由於公務關係,佢在位期間不時到唔同地方外訪,佢亦會入當地馬場睇馬及頒獎。當中美國、澳洲、日本及香港等賽馬地區都有以女王伊利沙伯二世命名嘅賽事。英女王嘅離世,馬壇唔單止失去一位大馬主,同時失去一位賽馬大使。

多謝英女王一直支持賽馬發展,願女王安息!

Thank You Your Majesty!

Source: Racing Post
Photo: Racing Post