Homan

25 August 2022 at 5:38:24 am

世界各地都就騎師用鞭設唔同嘅規矩。騎師去唔同地方都要有所調整，否則就好容易被罰。早前喺香港上陣嘅薛恩就因此被罰停賽。

薛恩早前已經返到澳洲維省上陣，佢早前已贏到頭馬。星期三佢喺澳洲Sandown上陣就觸犯騎師用鞭規例，被罰八個澳洲賽馬日，將會由九月一號起停賽至九月九號。事緣佢喺星期三第二場策騎Bros時，於最後一百米前打左10鞭，比起允許嘅5鞭多左5鞭。因此當地董事決定罰佢停賽八日。

薛恩就話今次犯規係因為香港並無就用鞭次數設限。佢啱啱喺香港番黎，所以要多啲時間重新適應。好彩今次停賽喺開季之初，都算不幸嘅大幸，起碼無影響佢喺之後嘅大賽期上陣。早前薛恩就話自己會留喺維省至春季嘉年華完結，之前表示過及後未決定去邊度策騎，對返香港持開放態度。

Source: Racing.com
Photo: HKJC