【September Run攻新市場讓賽 「五十星」澳洲盃爭衛冕】

Homan

聽日澳洲合共會上演四場一級賽。當中維省費明頓馬場會有兩場,而新南威爾斯蘭域馬場會有兩場。我地先跟進兩場於費明頓上演既新市場讓賽及澳洲盃。

今年兩匹短途好手「露營友」(Bivouac)及「綠化帶」(Nature Strip)都已返回悉尼上陣,未有參加呢項讓磅一級賽。頂磅馬係VRC Sprint Classic殿軍Zoutori,需負57kg。今仗年長馬除要負重磅,近況又不佳。所以今仗焦點落係華禮納馬房既三歲雌馬September Run,上仗於閃電錦標以強橫後勁直撲「綠化帶」得亞軍。費明頓馬場戰績彪炳,今場唔使負重磅且對年長馬亦不失禮,成為焦點亦合理。而閃電錦標季軍 Swats That亦展現不錯走勢,相信增程會跑得接近,但要反先September Run恐怕唔容易。第三勢力或許係渥利盾平頭冠軍Celebrity Queen,但該項一級賽頭馬再出其他賽事成績較差,而且直路賽又無根據,且看鞍上人柏威廉如何發揮。

而澳洲盃方面,每年都無乜邊匹馬特別突出。上屆冠軍「五十星」(Fifty Stars)就打衛冕戰,今季未贏過馬,只係啲級際賽跑過兩亞一季,對上一次贏馬已經上一屆澳洲盃。睇下今年原庄配搭能否衛冕成功。另一匹受注目既賽駒係直落贏左三場,包括上攻下楊彼德錦標既Paradee。此駒今仗回配韋紀力,睇下威唔威脅到上屆冠軍。而賈傑美今年就無騎2019澳洲盃老拍檔「哈霖」(Harlem),反而策騎佢墨盃座騎「鋼鐵世子」(Steel Prince),排係11檔。2018及19兩屆澳洲盃冠軍就排7檔,近三屆澳洲盃兩冠一殿,今季表現依舊無起色,但澳洲盃會唔會黎個大翻身呢?其他熟悉面孔仲有「保濕器」(Humidor)及「離鄉別井」(Homesman)等賽駒。

Source: Racenet