【NSW騎師福音】維省政府一決定令新南威爾斯騎師叫好

Homan

14 October 2021, 2:19:54 pm

早前因為疫情,維省政府禁新南威爾斯騎師到維省策騎,更鬧出薄奇能取道北領地隔離再到維省,但不得要領而被逼番回新南威爾斯。

今日維省政府宣布允許部分新南威爾斯騎師有條件前來策騎,措施令麥道朗、布文、薄奇能、麥維凱及金美琪等騎師受惠。佢地如要到當地策騎,要先隔離六日,並取得陰性證明。

而麥道朗、布文及薄奇能會於今個星期日出發到當地隔離,以便趕及策騎下星期六嘅覺士盾。麥道朗會策騎「品德高尚」(Zaaki)、布文會策「至寶」(Mo’unga)上陣。另外,薄奇能將會為「龍子爵」(Sir Dragonet)爭取衛冕。

另外,麥維凱及金美琪就會遲一個星期出發,預計會於維省打吡賽日上陣。當然以上五位騎師預計會繼續留喺維省,直至維省整個嘉年華賽期完結。


Source: Racenet
Photo: Racenet