【Magic Millions National Broodmare Sale 「旋律美人」高額成交 Arcadia Queen遭收回】

Homan

25 May 2021, 1:38:57 pm

Magic Millions National Broodmare Sale今日順利完成,多匹有級際賽冠軍配種母馬被拍賣。

最受矚目既係上年兩奪一級賽既西澳賽駒Arcadia Queen。該駒由一百五十萬澳元開始競投,但去到三百萬澳元開始有壓力,終於三百四十萬澳元就無再收到叫價。由於未達馬主Bob Peters既最低目標價四百萬澳元(約二千四百萬港元),這匹「比亞路」(Pierro)子嗣被收回,相信會被私下接洽購入。

而十四勝一級賽既紐西蘭馬后「旋律美人」(Melody Belle)就以二百六十萬澳元(約一千五百萬港元)成交,由玉龍馬業投得。預計該雌馬會於當地牧場配種,今年澳洲名種Written Tycoon回歸維省,並於玉龍系旗下牧場擔任種馬,牧場代表表示「旋律美人」首胎會配Written Tycoon。

而上年及今年都爆冷贏得一級賽既「一塵不染」(Nettoyer)就以九十萬澳元(約五百萬港元)成交。另外,2020年羅拔桑士達錦標Bella Vella以一百九十萬澳元(約一千一百萬港元)成交,該駒於2019年未能受胎並於網上拍賣會以二萬五千澳元(約十三萬港元)成交,及後再次復出攻下南澳舉辦一級賽羅拔桑士達錦標。Bella Vella現時成交價比2019年高84倍,幕後對此無不驚訝。

Source: Racing.com
Photo Credit: Magic Millions