【JRA 8位新人騎師3月出道】

Homan

日本中央競馬協會(JRA)今日公布新人騎師名單,八位全部都係今年於騎師學校既畢業。

最受注目相信會係兩位順利畢業既女學員,分別係永島まなみ(師承練馬師高橋康之)及古川奈穂(師承練馬師矢作芳人)。前者為地方園田練馬師永島太郎既女。而後者於矢作芳人馬房實習期間,隨團隊前往澳洲參與覺士盾。兩人將會於出道初期獲得4kg減磅優惠,比男騎師多1kg。

其餘六位新騎師為小沢大仁、角田大和、永野猛蔵、西谷凜、松本大輝及横山琉人。當中唔少都係騎二代或三代。角田大和爸爸係練馬師及前騎師角田晃一,佢亦編配到爸爸既馬房。而西谷凜父親為騎師西谷誠、爺爺係跳欄騎師西谷達男。松本大輝既爸爸係前騎師松本達也。而横山琉人既爸爸橫山義行,曾策ゴーカイ贏得中山Grand Jump。

Source: スポニチアネックス