【JRA 賽事決定繼續閉門進行】

Homan

琴日日本政府宣布將七個地方為緊急狀態後,JRA商討是否係緊急狀態繼續賽事。如果繼續,有冇需要實新限制。結果,今日佢地決定繼續閉門作賽,並訂下以下限制:

第一,四月十八號起,三勝Class或以下馬匹出賽區域將受限制,措施會暫時至五月三號。美浦(位於關東)受訓賽駒將不能夠出戰關西處於緊急狀態地區既賽事,即阪神及京都競馬場既賽事。而栗東(位於關西)受訓賽駒則不能夠出戰關東處於緊急狀態地區既賽事,即東京及中山競馬場賽事。而現時美浦及栗東訓練既賽駒都可以自由出戰福島競馬場既賽事。而表列賽(以前叫OP)或上賽事及跳欄賽駒則不受此限限制。

第二,四月十八號起,平地騎師唔可以係星期六中間轉場作賽。即係話騎師唔可以星期六騎完中山,星期日就去阪神作賽。措施同樣地暫時至五月三號。不過,跳欄騎手人數較少,則不在措施限制以內。

以上兩項措施都決定會由下星期先開始實行,避免影響今個星期既配搭及練馬師部署。

第三,由今個星期開始,為保持社交距離,JRA決定增加賽前騎師待機既地方,由原本只有馬場內既騎師前檢室外,增加騎師屋企及酒店作為賽前騎師待機既地方。由於JRA要求騎師由賽前一日起,唔能夠使用通訊裝置與外界聯繫,新措施即使容許騎師馬場外做前檢,都應遵守前檢規則,以確保賽事公平性。如有騎師違反規則,屆時會有處罰。

Source: JRA