【JRA 仍然為閉門作賽努力】

Homan

7 April 2020 at 7:34:52 am

JRA琴晚再有兩名職員感染武漢肺炎，兩位同為京都競馬場既職員。現時JRA內共有三名職員受感染。

而日本首相安倍晉三今日對外宣布直至五月六日前東京、神奈川、埼玉、千葉、大阪、兵庫、福岡七個地方進入緊急狀態。呼籲居住呢D地方既民眾，除左糧食補給外，盡量唔好外出。娛樂場所，包括卡拉OK及彈珠機鋪等都需要關閉。

由於整個緊急狀態宣言並冇提及競馬場，而事實上日本賽馬自二月尾起已閉門作賽，未有覆蓋都係正常，始終佢地唔係現時當地主要人群聚集既地方。現時JRA 仍然睇緊整篇緊急狀態宣言，睇下會唔會可以繼續進行賽事。暫時仍然未有任何決定。

由於四月至六月都有安排東京、中山、阪神既賽事，呢三個馬場都位於七個緊急狀態既地方入面，故要舉行有相對困難。因此，亦有人唔少人估計，賽事會取消，包括黎緊既各項一級賽。然而，JRA仍然未有相關決定，我地會密切留意，再同大家跟進進一步消息。

Source: 日刊スポーツ