Homan

24 April 2020 at 2:44:54 am

日本現時既緊急狀態令至五月六號，但日本疫情並未有紓緩跡象。日本政府未宣布會否延長緊急狀態令，而JRA就決定將現時三項措施延長至五月三十一號。

三項措施分別係：

三勝Class或以下馬匹出賽區域受限制。美浦（位於關東）受訓賽駒將不能夠出戰關西既賽事，即京都競馬場既賽事。而栗東（位於關西）受訓賽駒則不能夠出戰關東既賽事，即東京競馬場賽事。而現時美浦及栗東訓練既賽駒都可以自由出戰福島競馬場既賽事。而表列賽（以前叫OP）或上賽事及跳欄賽駒則不受此限限制。

平地騎師唔可以係星期六中間轉場作賽。即係話騎師唔可以星期六騎完東京，星期日就去京都作賽。不過，跳欄騎手人數較少，則不在措施限制以內。騎師武豊亦因為要策騎「沙貝寶駒」（Sahpresa）子嗣Satono Impresa（サトノインプレッサ）NHK一哩賽而未能於五月九號策騎拍賣會標王Admire Virgo（アドマイヤビルゴ）出戰京都新聞杯。該駒將轉交藤岡康太執韁。

原本只有馬場內既騎師前檢室外，增加騎師屋企及酒店作為賽前騎師待機既地方。由於JRA要求騎師由賽前一日起，唔能夠使用通訊裝置與外界聯繫，新措施即使容許騎師馬場外做前檢，都應遵守前檢規則，以確保賽事公平性。

而各項一級賽將繼續閉門進行，當中日本打吡大賽自1944二戰後，第一次閉門進行。

Source: デイリースポーツ