【IJC 2019】田泰安:作為一個騎師咁既分組真係得啖笑 (設計對白)

Poli

國際騎師錦標賽排位出爐!田泰安手執多匹惡馬,有無得喺今屆眾星雲集嘅賽事裡面突圍而出呀?

國際騎師錦標賽排位出爐!田泰安手執多匹惡馬,有無得喺今屆眾星雲集嘅賽事裡面突圍而出呀?

田泰安抽到幾隻好馬,分別有上場贏馬嘅「萬眾之力」、季初佢胯下贏過嘅「夢幻戰士」、終於抽到好檔嘅「快利寶」,同埋谷草專家力求三連捷嘅「轉數高」。如果比其他一級騎師跑真係 3W 坐底唔過份,講真咁同直接宣佈拎冠軍有咩分別,田泰安希望都做到證明佢身價啦。

以檔位計,莫雅手氣其實都唔差,如果頭兩關有出色表現嘅都有機會問鼎冠軍,「閃電精靈」谷閘曾經一放到底,即管睇下快唔快得過「好甜橙」。

再度重臨香港嘅戴圖理以尾場「合拍威龍」機會最大,上場喺慢步速下「幸福掌聲」走甩,今次形勢會好少少,「友誼之星」三次跑四班都輸唔遠,「巴基之友」試足幾個閘走勢亦唔錯。

香港兩位冠軍騎師今次手氣麻麻,即管睇下佢哋嘅騎功可以補救返幾多啦。

星期三晚國際騎師錦標賽頭場係六點半,而國際騎師錦標賽四場賽事會由晚上八點二開始。