【Hayes先生的連環不幸事件】「佳運財」受傷 將不角逐任何四歲系列賽

Homan

20 January 2022, 10:39:55 am

練馬師大衛希斯今季初表現係威係勢,但踏入十月之後就好似衰神附身咁,成績大不如季初,連啲明星馬都交唔出水準。

大衛希斯原本部署兩駒——「佳運財」及「幸運有您」出爭下星期嘅經典一哩賽,而佢本身對兩駒嘅機會充滿信心。不過「佳運財」於操練時受傷,並為「佳運財」帶來疼痛未能上陣。

雖然唔會造成長遠影響,但由於正正喺經典一哩賽前,而打吡亦只餘兩個月,與其夾硬谷,不如縮一縮抖一抖。因此,佢決定放棄部署「佳運財」出戰任何四歲系列賽。

同馬房嘅「喜蓮新星」(外地名:Side Shot)喺琴日離世,佢因為游水訓練中跣腳受傷,其膝頭受重擊。由於傷患嚴重,「喜蓮新星」被逼人道毀滅。希斯直指感到唔開心,指該駒雖然喺香港未有表現,但長遠可以喺長途賽可大發異彩。


Source: SCMP
Photo: HKJC