【HKIR Bubbles上線了】

Homan

香港馬會琴日接受SCMP時透露香港政府已准許參加HKIR外國騎練唔使隔離14日,條件為騎練除左出席晨課、活動及比賽外,唔准離開賽馬會安排既隔離點。

參賽騎練抵港後,馬會會安排交通接載騎練到隔離點。而馬會亦會安排定時交通接載騎練到晨課,令佢地唔會接觸到其他公眾人士。另外,佢地抵港後每日都需要接受武漢肺炎測試。

為左避免本地騎師及訪港騎師因共用騎師室而受感染,馬會將會為訪港騎師預備獨立騎師室,將交叉感染風險盡量減低。雖然訪港時措施比想像便利,但訪港騎師若完成賽事回國仍需要根據自身國家措施隔離14日,甚至更久。最壞情況或許佢地參賽回國後需於隔離點渡過聖誕節,可能令佢地放棄前往香港作賽。

當然,佢地都可以選擇於香港延長客串期,至明年當地開季先回國,前提係香港馬會批准佢地留港策騎。早前蘇銘倫雖宣布HKIR後延長客串期,但染疫後令客串增添變數,暫未知佢會否如計劃來港上陣,相信首要目標係要康復。

Source: SCMP