【HKIR】Racing Bubble公布 三騎師極大機會出戰國際騎師錦標賽

Homan

15 November 2021, 3:28:54 pm

上星期六賽事,馬會接受新報馬經訪問時透露,香港國際賽嘅Racing Bubble已經得到政府准許,措施會較上兩次以Racing Bubble嘅冠軍賽日及香港國際賽事更嚴格,從而保證本地及海外人馬安全。

今次所有參賽人員需來港接種疫苗,同時於來港前七天及48小時前提供PCR核酸陰性檢測結果。來港後,每天都需提供同樣測試結果,並確保為陰性。另外,參賽人員與上兩次相同,佢地需住宿指定檢疫酒店,並不能夠於檢疫酒店嘅公共範圍逗留及使用其公共設施。

而參賽人員今次將由馬會安排私人飛機來港,來港後交通都會由馬會安排。而每日佢地會於指定時間往來馬場及酒店。全程會由馬會安排專車接送,而司機與乘客會有板分隔,確保海外參賽人員唔會同本地司機接觸。

Racing Bubble公布後,Punters.com.au透露,紐西蘭騎師麥道朗、澳洲騎師連達文及英國騎師莫雅將有機會出戰國際騎師錦標賽,並有機會於12月12號嘅國際賽獲得座騎。麥道朗預計自己會於十二月尾於昆士蘭嘅Eagle Farm策Coolangatta上陣。雖然麥道朗來港前唔需要於澳洲事先隔離,但出戰返悉尼後需隔離七日,而到昆士蘭或需更隔離更多日數。因此,麥道朗會否於國際賽日上陣仍屬未知數,但國際騎師錦標賽就一定會見到呢位紐西蘭好手獻技。


Source: 新報馬經,Punters.com.au
Photo: HKJC