Homan

2 November 2021 at 2:45:38 pm

香港國際賽將於下個月中上演，馬會陸續向部分報名馬發出邀請，等佢地可以提早做好準備。

今日於墨爾本盃跑入季軍嘅「傳教團」（Spanish Mission），練馬師包義定接受Racing Post訪問時表示感謝協助遠征嘅馬房手足，認為馬房手足嘅努力係馬匹表現出色嘅關鍵。佢亦透露該駒收到香港馬會邀請出戰香港瓶。由於仍未知墨爾本盃賽後「傳教團」嘅狀態。

而另外一匹歐洲馬「致勝一擊」（Pyledriver）就準備好來港出戰香港瓶。經過夏天及秋天一輪休息後，「致勝一擊」將於今個星期日於德國復出，為十二月中嘅香港瓶上陣做好準備。莫爾（William Muir）接受訪問時透露「致勝一擊」因為未有於夏天及秋天上陣，佢將於冬天上陣。將會先於德國上陣，再到香港及後二月會到沙特阿拉伯及三月前往杜拜。現時香港禁止英、法及愛爾蘭等地旅遊人士免隔離入境，意味著隨行人員有機會需要接受21日隔離。

莫爾就表示由於香港瓶獎金頗高，即使需要程序繁複，但一切都相當值得。認為上年香港瓶冠軍「業界巨頭」（Mogul）即使於歐洲與「致勝一擊」獎金差不多，但一個香港瓶已令兩駒獎金相差近一百萬鎊（約一千一百萬港元）。因此，佢覺得唔黎香港出戰國際賽好似顯佢地有啲蠢。

如果德國場地不適合「致勝一擊」，佢將改戰嶺飛賽事作為香港瓶熱身賽，且看呢匹加冕盃冠軍最終能否成行喇！

Source: Racing Post
Photo: Racing Post