Homan

2 November 2021 at 4:02:59 pm

香港國際賽於下個月中舉行，除左稍前報導兩匹歐洲馬獲邀外，亦有消息指部分日本賽駒已收到邀請。

兩匹來自一口馬主團體絲綢會（シルクレーシング）嘅賽駒收到香港國際賽事嘅邀請，並已接受有關邀請。佢地分別係短途馬錦標冠軍「妙發靈機」（Pixie Knight，ピクシーナイト）及2019年安田紀念賽冠軍「冠軍車手」（Indy Champ，インディチャンプ）。

「妙發靈機」於短途馬錦標贏馬後，練馬師音無秀孝一直表示希望讓該駒出戰香港短途錦標。最終佢地收到有關邀請，相信出戰機會極大。

而「冠軍車手」則收到香港一哩錦標邀請。佢會於稍後出戰一哩冠軍賽，相信要睇該戰結果先會決定最終是否出戰香港一哩錦標。

暫時只有兩匹日本確定收到邀請並接受前來出戰，相信會陸續有消息指邊一啲馬會黎到香港出戰HKIR。

Source: race.sanspo.com
Photo: 短途馬錦標截圖