【HKIR】何澤堯田泰安國際賽座騎卜定 田泰安參戰存變數

香港國際賽將於下月12號上演，賽駒配搭陸續出爐。

兩位以香港為策騎基地嘅騎師，何澤堯及田泰安都於四場國際賽「夫卜」。

據SCMP報導，何澤堯將於香港短途錦標策「當家猴王」出戰；於香港一哩錦標為「金鎗六十」執韁；於香港盃策「柏林探戈」上陣及於香港瓶策外隊馬「愚者眼界」（Stay Foolish）參戰。佢同時亦會代表香港出戰國際騎師錦標賽。

而據超班馬簿（相關報導：https://www.facebook.com/hongkongracingpost/posts/4751847394910691）報導，田泰安會於香港短途錦標策「肥仔叻叻」出戰；於香港一哩錦標為外隊馬「陳年美酒」（Vin de Garde）執韁；於香港盃策「勇戰神駒」上陣及於香港瓶策「時時有餘」參戰。

不過馬會今日就公布而家停緊賽嘅田泰安舊患復發，將唔會喺12月5及8號嘅賽事中上陣。希望佢抖多一個星期會好啲，否則有機會缺席香港國際賽，到時呢幾匹座騎就需要易配喇！

Source: SCMP, 超班馬簿, HKJC
Photo: HKJC